என்னில் நீ வருவதற்காய் உனைத் தேடி வருகின்றேன்
உன் சாயல் நானாகவே என் வாசல் வா தெய்வமே - 2
உனையன்றி வழியில்லை உனையன்றி ஒளியில்லை
உன் சாயல் நானாகவே என் வாசல் வா தெய்வமே

1. இதயவாசல் திறக்கின்றேன் இரு கரத்தைக் குவிக்கின்றேன் -2
உயிரின் மூலமே உறவின் பாலமே
அன்பின் முழுமையே அனைத்தின் முதன்மையே - 2
ஆதவன் பூமியில் வெளிச்சமாவது போல்
அன்பனே என்னில் நீ வெளிச்சமாகிட

2. உன்னில்வாழத்துடிக்கின்றேன் உன் அன்பை நினைக்கின்றேன் - 2
என்னின் தொடக்கமே அன்பின் அர்த்தமே
ஆதி அந்தமே எனது சொந்தமே - 2
அழுதிடும் மழலைக்கும் அணைக்கும் தாயைப்போலுன்
சிறகினில் நான் தங்கி இளைப்பாறிட

---