எனையாளும் அன்பே என் இறைவா
நீ வரும் நேரம் நான் மலர்ந்தேன்
உன்னருளின் உன்னதத்தில்
உள்ளமெல்லாம் நிறைந்து நின்றேன்
இனி நான் மறைந்து போய்விடுவேன்
வருகிறான் இறைவன் அன்பைத் தருகிறான் தலைவன்

1. சொல்லாத நேசங்களை உன்
தியாகத்தில் சொல்லித் தந்தாய் - நீ
இல்லாத குறை நீங்கவே உணவாக உடலைத் தந்தாய்
கல்லாகிப் போனேனே கருணாளனே - 2
உனது கரத்தின் சிற்பங்களாக என்னை மாற்றுவாய்
வருகிறான் இறைவன் அன்பைத் தருகிறான் தலைவன்

2. எழுந்து நான் செல்லுவேன் - என்
தந்தையின் இல்லம் நோக்கி - வெகு
தூரம் விலகிச் சென்றேன் உந்தன் அன்பை மறந்து நின்றேன்
காலம் கடந்து வந்தேன் கருணாளனே - 2
பாசம் கொண்டு என்னை ஏற்றுப் பகிர்வு கொண்டாடச் செய்வாய்
வருகிறான் இறைவன் அன்பைத் தருகிறான் தலைவன்

---