ஒருநாளும் அழியாத உறவென்னிலே
உருவாகும் அருளேசு வரவென்னிலே - 2
பிரிவில்லை அன்பில் துயரில்லை நெஞ்சில்
எனையாளும் அவரன்பு இனி நாளுமே

1. நட்பென்னும் வானங்கள் இருள்மூடும் போதிலே
உறவென்னும் கீதங்கள் உருமாறும் போதிலே - 2
உன் அருளன்பு எனைத் தாங்குமே
அன்பென்னும் தீபங்கள் அணைகின்ற நேரங்கள்
ஒளியாக எழுந்து உயிரோடு கலந்து
ஒருநாளும் அழியாத உறவொன்று தா

2. இனி என்னில் வாழ்வதோ நானல்ல நீ இயேசுவே
இரவென்ன பகலென்னவோ இதயத்துள் நீ பேசவே - 2
இனி எந்நாளும் பயமில்லையே
முடிவில்லா வாழ்வுக்கு முதலாகும் இயேசுவே
ஊரெங்கும் செல்வேன் உன் நாமம் சொல்வேன்
உன்னன்பில் நிலையாகும் வரமொன்று தா

---