ஒரு நாளும் உனை மறவா திருநாள் தினம் வேண்டும் - உன்
அருள் தேடும் என் விழிகளுக்கு
கருணை மழை வேண்டும் - 2 இயேசுவே வாருமே - 2
இயேசுவே எந்தன் நேசரே என்னோடு பேச வாருமே - 2

1. ஆயிரம் ஆயிரம் உறவுகளும்
அலை அலையாய் வரும் நினைவுகளும்
சேய் என்னைத் தேற்றிடும் நிகழ்வுகளும்
இறைமகன் உந்தன் உயிர்ப்புகளே ஆ - 2
கலங்கரை விளக்கே வா காரிருள் நிலவே வா
கதியென நினைக்கும் அடியவர் மனத்தில் அமர்ந்திடவே நீ வா - 2

2. பகிர்வுகள் தருகின்ற நிறைவுகளும்
தியாகத்தினால் வரும் உயர்வுகளும்
அடியவர் பணியில் அகமகிழ்வும்
தலைவா உமது வழியல்லவா ஆ - 2
உனைப் போல் நான் வாழ்வேன் உலகில் இனி உயர்வேன்
உந்தன் அருள் துணை எம்மில் இருக்க கவலைப்பட மாட்டேன் - 2

---