கருணையின் நிறைவே அருள் வள உறைவே
திரு விருந்தினிலே உவந்து வந்தாய்
நின் திருவுடலை உணவாய் அளித்தாய்
உந்தன் உறவைத் தரலானாய் - 2

1. அடிமைத்தளையை அகற்றும் விருந்தாய்
ஆவலைத் தணிக்கும் அமுதாய் மாறி
அகத்தொளி வீசிடும் அகலாய்த் திகழ்ந்திடும்
ஆசீர் சுனையே அகம் வருவாய்

2. பழைய புதிய முறைகள் இணையும்
பாலமே புதுமை விருந்தே வாழி
இறைமனு உன்னில் முறையாய்க் கலந்திட
தேவா கருணை வடிவெடுத்தாய்

3. ஒருமை விளைத்து மறுமை அளிக்கும்
தேவ நற்கருணை விருந்தே போற்றி
குழந்தையின் ஆலய அரங்கைத் தருகின்றேன்
வாழ்வே வருவாய் குடியிருப்பாய்

---