கனிந்த அன்பிலே கடவுள் அன்பிலே
கவலை நீக்கும் திருவுணவாய் வாரும் இயேசுவே
இனிமை தந்திடும் இதய அன்பிலே
வானகத்தின் அனுபவத்தைத் தாரும் இயேசுவே - 2

1. நன்மை தரும் நல்லுறவாய் எழுந்து வாருமே
நலமளிக்கும் அருமருந்தாய் எழுந்து வாருமே - 2
இறையுறவாய்த் திருவருளாய் எழுந்து நீர் வந்தால்
ஏக்கம் நீக்கும் இறைமகிழ்வை நான் சுவைப்பேனே - 2

2. நன்மைகளின் அடிப்படையே எழுந்து வாருமே
நலிந்தவரின் உடனிருப்பே எழுந்து வாருமே - 2
விடுதலையாய் வழித்துணையாய் எழுந்து நீர் வந்தால்
மாற்றமாகும் இறைசுகத்தில் நான் திளைப்பேனே - 2

---