காணாமலே உன்னைக் கண்டுகொண்டேன்
கேளாமலே உந்தன் குரல்கேட்டேன்
தேடாமலே உன்னைத் தெரிந்துகொண்டேன்
தேடிவந்து என்னோடு ஒன்றான தெய்வமே

1. எம்மோடு குடிகொள்ளும் இம்மானுவேலா
உனைக் காணும் பேராவல் எனக்குண்டு நாளாய் - 2
எளியோரில் சிறியோரில் நான் உன்னைக் காணலாம்
ஏக்கத்தில் இடர்பாட்டில் உன் குரலைக் கேட்கலாம் - 2

2. மனம் மாற மனமின்றி இடம் மாறித் தேடலாம்
ஏன் அங்கு இல்லையென்று ஏமாந்துப் போகலாம் - 2
உன் வார்த்தை வழியில் மனம்மாறித் தேடினால்
தேடிவரும் தெய்வம் உன்னைத் தெளிவாகக் காணலாம் - 2

---