தியாக தீபம் இயேசுவின் திருவுடல் இதுவே
தேடும் நெஞ்சம் தேற்ற வரும் திருவுணவிதுவே
அன்பு நெஞ்சம் கொண்டவரே உண்ண வாருங்கள் - 2
உணவை உண்டு தனை அளித்து தரணி மாற்றுங்கள்

1. கோதுமை மணியின் பலியினிலே - இந்த
வெண்மை அப்பம் பிறக்கின்றது
என்றும் ஏங்கிடும் மாந்தர் வாழ்ந்திட
தன்னைத் தியாகமாய்த் தருகின்றது - இதை
உண்ணும் யாவரும் தன்னைப் பிறர்க்கென
அளித்திடக் கேட்கின்றது - 2
நம்மையும் உணவென நாம் கொடுப்போம் - பிறர்
நலமுடன் வாழ்ந்திட உயிர் கொடுப்போம் - 2

2. விருந்தினில் கலந்திடும் பொழுதினிலே - நெஞ்சில்
பேத உணர்வுகள் மறைகின்றது
ஏழை அடிமைகள் உயர்வு தாழ்நிலை
என்ற பிரிவுகள் இறக்கின்றன - பிறர்
பணி செய்வதே தலைவன் பண்பென்ற
படிப்பினை தருகின்றது - 2
விருந்தினில் கலந்திடும் பொருள் உணர்வோம் - பிறர் பணி செய்து வாழ்வதில் நிறைவடைவோம் - 2

---