தெய்வீக நண்பனே தெம்பூட்டும் அன்பனே
என் ஆன்ம உயிர் மூச்சு நீ
இயேசுவே வந்தென்னை வளமாக்குமே - 2

1. உன்னோடு கைகோர்த்து நடந்திடும்போது
என்னோடு உறைகின்ற அச்சம் விலகுமே - 2
உன் மார்பில் தலைசாய்த்து மகிழ்ந்திடும் போது
என் நெஞ்சின் பாரங்கள் எளிதாகுமே
உன் அன்புக் கருணையை நான் அள்ளிப் பருகிட
எனை வாட்டும் தாகங்கள் தீருமே - 2

2. எங்கெங்கும் உனைக்கண்டு மகிழ்ந்திட வேண்டும்
எல்லாரும் உறவென்று அறிந்திட வேண்டும் - 2
எல்லாமே எனக்கென்று தவித்திடும் நெஞ்சம்
எல்லார்க்கும் நானென்று உணராதோ
உன் அன்புக் கருணையில் என் ஏக்கம் தீர்ந்திட
உனைப்போல என் நெஞ்சை மாற்றுமே - 2

---