தேவாதி தேவன் இராசாதி இராசன் விருந்து அளிக்கின்றார்
மாறாத தேவன் மண்ணோரின் இராசன் மகிழ்வாய் வருகின்றார்
வாரும் வாரும் அனைவரும் விருந்தில் கலந்து மகிழுவோம்
இறைவன் அளிக்கும் விருந்திது இனிதே உண்போம் அனைவரும்

1. உள்ளம் உவந்து அழைக்கின்றார்
உண்மை இறைவன் அழைக்கின்றார் - 2
உலகம் மகிழ அழைக்கின்றார் புனிதரோடு அழைக்கின்றார்

2. தேவன் தன்னை அளிக்கின்றார் தேற்றும்
உணவாய்த் தருகின்றார் - 2
தூய வாழ்வு வாழ்ந்திட தூயன் தன்னை அளிக்கின்றார்

3. இறைவன் தரும் நல் விருந்திது இன்பம் தரும் நல் விருந்திது - 2
மறையோர் போற்றும் உணவிது அன்பைப் பொழியும் அமுதிது

---