பாட்டு நான் பாடக் கேட்டு
என் பாடல்நாயகா விருந்தாக வா வா
உன் அன்பில் நான் இன்று ஒன்றாக வேண்டும்
உன்னாலே என் வாழ்வு நன்றாக வேண்டும்

1. இராகங்கள் இல்லாத வாழ்வெனும் வீணையில்
கானங்கள் அரங்கேறும் உன் வரவால் - இறைவா
சோகங்கள் மறைந்தோடும் உன் உறவால்
இருளோடும் துயரோடும் போராடும் என் வாழ்வில்
அருளாலே விளக்கொன்று நீ ஏற்ற வா
அதை நானும் அணையாமல் நான் காக்க வா

2. மாதங்கள் பன்னிரண்டும் தேவா உன் திருவாசல்
மானிடரின் வரவுக்காய்க் காத்திருக்கும் - தினம்
மாறாத அன்புக்காய்ப் பூத்திருக்கும்
நீ வாழும் கோயில் தான் ஏழை என்னுள்ளம்
உனை உண்டு வாழ்ந்தாலே அழிவில்லையே
உனைவிட்டுப் பிரிந்தாலே அருளில்லையே

---