வார்த்தையாக இருந்தவரே வடிவெடுத்து வந்தவரே
காத்திருந்த சேயெனக்கு உம்முடலைத் தருவாயா
தருவாயா தருவாயா உண்மையே உயிரே
உள்ளம் வர சம்மதமா இறைவா சம்மதமா

1. வீதியிலே இருந்த என்னை விருந்துக்கு அழைத்து வந்தாய்
ஊதாரி மைந்தன் என்னைப் புத்தாடை அணிய வைத்தாய் ஆ
வெறுமையான பாத்திரம் நான்
அப்பங்களால் வழியச் செய்வாய்
ஒன்றுமில்லா கற்சாடி நான் இரசமாய் நீ நிரம்பிடுவாய் ஆ

2. தூரத்திலே இருந்த என்னை என்னருகே வா என்றாய்
பாவத்திலே வீழ்கையிலே
சாய்ந்து கொள்ளத் தோள்கொடுத்தாய் ஆ
பாழ்வெளியில் அலைந்த என்னைப்
பந்தியிலே அமரவைத்தாய்ப்
பக்கத்திலே நீ இருந்து பரிவன்பைத் தந்திடுவாய் ஆ

---