வாரும் எந்தன் இசையமுதே இறைவா என் தலைவா - 2
நாளும் தேடும் உணவாய் நீ வந்தாய் உமைத் தந்தாய் - 2
உண்மை உணவாய் நீ நின்றாய்
முழு உருவாய் என்னில் கலந்தாய்

1. எந்தச் செயலும் செய்யும் போதும் உம்மை நினைத்தே செய்கிறேன்
எந்தன் மூச்சு எந்தன் பாட்டு உம்மை வைத்தே பாடினேன்
இயேசுவே உந்தன் அன்பைப் பொழிந்து என்னில் கலந்தாயே - 2
எந்தன் வாழ்வு அர்த்தம் பெறவே
உம்மை உணவாய் ஏற்றுக் கொண்டேனே

2. நெருப்பின் வெண்மை தாங்கிடாத பொன்னும் பலனைத் தருவதில்லை
துன்பம் தாங்கும் நெஞ்சம் ஒன்றே வெற்றி வாசலை அடையுமே
தியாக உச்சம் எதுவென்று நீ எனக்குக் காட்டினாயே - 2
உம்மைப் போல நானும் வாழ
உம்மை உணவாய் ஏற்றுக் கொண்டோமே

---