வாழும் என் தேவனே - தினம்
எனில் வாருமே - என்றும்
பூவாக உனைச் சேருவேன்
என்னில் ஒளியாக வா என்னை
உருவாக்க வா - என்றும்
என்னோடு ஒன்றாக வா

1. கண்களில் மிதக்கும் கருவிழி நானே
கண்ணிமை போலக் காத்திடுவாயே
உன்னடி வந்தேன் என்னையே கொடுத்தேன்
உன்வழி என்றும் தொடந்திடத் துடித்தேன் - 2
வாடிய மலருக்கு வாழ்வளிப்பாயே - 2
இயேசுவே - 4

2. விண்வெளி முழுவதும் உன்முகம் பார்த்தேன்
வீசிடும் தென்றலில் உன்மொழி கேட்டேன்
என்னிடம் வருவாய் இயங்கிடு விரைவாய்
வந்திடும் இசையில் கலந்திடு நிறைவாய்
வாடிய மலருக்கு வாழ்வளிப்பாயே - 2
இயேசுவே - 4

---