விண்ணக விருந்தே என்னில் வா
என்னகம் வாழ இறங்கி வா
மண்ணக மீட்பின் மாண்பே வா
மாபரனே மீட்கவா மீட்கவா மீட்கவா
அகிலம் ஆளும் தெய்வ உணவே நீர்
அன்பைத் தரும் அமுத உணவே நீர்
எழுந்து வாராயோ என்னில் வாராயோ - 2

1. மன்னா உணவே மண்ணிலே வந்தாய் உண்பவர் வாழவே
நித்திய வாழ்வில் நிலை பெறவே உணவைத் தந்தாயே
இது உன் உடலன்றோ வாழ்வு மாறும் அன்றோ
இது உன் இரத்தமன்றோ தாகம் தீருமன்றோ
இயேசுவே நீர் வர வேண்டும்
என்னையும் மாற்றிட வேண்டும்
உலகம் வாழ்வதற்காக என்னையே நான் தர வேண்டும்
எழுந்து வாராயோ என்னில் வாராயோ - 2

2. வானம் இறங்கி வந்த மழையாய் வாழ்வு நனையவே
கானம் இசைத்து உந்தன் புகழை என்றும் பாடவே
எனது சதை என்றாய் உண்மையின் உணவென்றாய்
எனது இரத்தம் என்றாய் உண்மையின் பானமென்றாய்
வார்த்தையை வாழ்ந்திட வேண்டும்
வல்லமை நான் தர வேண்டும்
வறுமையில்லா வாழ்வு வந்திட தியாகம் வேண்டும்
எழுந்து வாராயோ என்னில் வாராயோ - 2

---