உன் புகழைப் பாடுவது என் வாழ்வின் இன்பமையா
உன்னருளைப் போற்றுவது என் வாழ்வின் செல்வமையா - 2

1. துன்பத்திலும் இன்பத்திலும் நல் தந்தையாய் நீ இருப்பாய்
கண்ணயராக் காத்திருக்கும் நல் அன்னையாய் அருகிருப்பாய் - 2
அன்பு எனும் அமுதத்தினை நான் அருந்திட எனக்களிப்பாய்
உன்னின்று பிரியாமல் நீ என்றும் அணைத்திருப்பாய் - 2

2. பல்லுயிரைப் படைத்திருப்பாய் நீ என்னையும் ஏன் படைத்தாய்
பாவத்திலே வாழ்ந்திருந்தும் நீ என்னையும் ஏன் அழைத்தாய் - 2
அன்பினுக்கு அடைக்கும் தாழ் ஒன்று இல்லை என்றுணர்ந்தேன்
உன்னன்பை மறவாமல் நான் என்றும் வாழ்ந்திருப்பேன் - 2

---