கோடி நன்றிப் பாடல் பாடும் எந்தன் இதயமே
காக்கும் நல்ல தேவன் அன்பு என்னைத் தாங்குமே - 2
அவரின் கரங்கள் எனது வாழ்வில் என்றும் இணையுமே - 2
அகமகிழ்ந்து அவரைப் போற்றி நிதமும் பாடுவேன்
நன்றி இறைவா - 2 நன்றி தலைவா - 2

1. எனது ஆற்றல் அரணுமான உம்மை வாழ்த்துவேன்
எனது மீட்பும் மகிழ்வுமான உம்மைப் புகழுவேன் - 2
எனது வளமை வாழ்வுமான உம்மைப் போற்றுவேன் - 2
எனது வலிமை துணிவுமான உம்மைப் பாடுவேன் - 2 நன்றி

2. கண்ணின் இமைகள் போல என்னைக் காத்து மகிழ்கின்றீர்
கருணை கொண்ட விழிகளாலே இரக்கம் பொழிகின்றீர் - 2
அள்ள அள்ளக் குறையாத அன்பைத் தருகின்றீர் - 2
அன்னைக்கும் மேலான பாசம் பொழிகின்றீர் - 2 நன்றி

---