நன்றி கீதம் பாடுவோம் வல்ல தேவன் இயேசுவை
நன்றி நன்றி என்று பாடி நாளும் வாழ்த்துவோம்
நன்மை கோடி செய்திடும் நம்மில் வாழும் இயேசுவை
நன்றி நன்றி என்று பாடி நாளும் வாழ்த்துவோம்

1. எந்தன் நெஞ்சில் வந்த தெய்வமே
உந்தன் அன்பை என்றும் பாடியே நன்றி கூறுவோம் - 2
காலம் மாறும் உன் அன்பு மாறுமோ - 2
காலமெல்லாம் உம்மைப் பாடி நன்றி கூறுவோம்
துன்ப துயரங்கள் இனி மறைந்து போகுமே
எந்தன் வாழ்விலே புதுவசந்தம் வீசுமே

2. துன்பத்திலே தேற்றும் தெய்வமே
உந்தன் கருணையிலே என்றும் பாடி நன்றி கூறுவோம் - 2
தாய் மறந்தாலும் உந்தன் அன்பு மாறுமோ - 2
உந்தன் பாசம் நினைத்து நன்றி கூறுவோம் - துன்ப துயரங்கள்

---