அன்னையே ஆரோக்கியத்தாயே அருட்கடலே அம்மா
தன்னையே தந்துலகைத்தான் மீட்க வந்தவராம்
மன்னவராம் ஆண்டவரை மகனாகத் தந்தவளே
உன்னையே நம்பி வந்தேன் உற்றதுணை செய்யம்மா
அம்மா தேவனின் தாயே அருளமுதான கடலே - 2
துணை செய்வாய் நீயே ஆரோக்கியத் தாயே - 2

1. எம்மான் இயேசுவைத் தந்தவள் நீயே
எங்கள் நலம் காக்க வந்தவள் நீயே - 2
உம்மால் ஆகாத செயலில்லை தாயே - 2
உலகத்தின் அன்புக்கு எல்லையும் நீயே

2. பிறைசூடும் உன்பாதம் கண்ணீரால் நனைத்தேன் - 2
மறைதந்த மகனிடம் சொல்ல நான் அழைத்தேன் - 2
கரையில்லா கடலான அன்புக்கு வித்தே
கருணையின் மெழுகான கடவுளின் முத்தே

---