ஆரோக்கியத் தாயே அம்மா அம்மா
உந்தன் அருட்பதம் நாடிவந்தேன்
மயங்கிடும் மனத்தினில் மரியே என் அன்னையே
இறை அருள் நிறையச் செய்வாய் - 2

1. சங்கீதம் பொங்கும் சந்தோச வேளையிலே
பொங்கும் மனம் தினம் கொண்டாடும் மாதவமே - 2
உன்னைத்தான் நம்பித்தான் உலகத்தை உனக்களித்தான்
தேவன் வியந்தான் மகிழ்ந்தான் உன் பெருமை எண்ணித்தான்

2. உள்ளம் முழுவதும் நீ தந்தாயே தேவனுக்கு
வெள்ளம் போலே அருள் தந்தாளும் தாரகையே - 2
எண்ணில்லா நெஞ்சங்களை இறைவனின் பதம் கொணர்ந்தாய்
இறை நிழலாய் நினைவாய் என் வாழ்வில் வருவாய்

---