ஆரோக்கியத் தாயே ஆதாரம் நீயே - 2
தீராத துயர் போக்கும் மரியே எம் பரிவே
ஆரோக்கியத் தாயே ஆதாரம் நீயே
மரியே வாழ்க அம்மா மரியே ஆரோக்கியத் தாயே

1. தீராத போராட்ட வாழ்க்கை - எங்கள்
திகில் போக்க வரவேண்டுமே
கரை சேராத ஓடங்கள் ஆனோம் - எம்மைச்
சிறை மீட்க வர வேண்டுமே - 2
வேறெங்குப் போவோம் வினை தீர வேண்டி
நீரெங்கள் நிறைவான தயவானதாலே

2. உனை நம்பி வந்தோருள் யாரும் - இங்கு
ஏமாந்த கதை இல்லையே - எங்கள்
தாயுன்னை தினம் போற்றும் நெஞ்சில்
ஒரு துளியேனும் துயர் இல்லையே - 2
விடியாத வாழ்வின் விடிவெள்ளியாக
விளங்கும் எம் தாயே உன் துணை வேண்டினோம்

---