தேவ தாயின் மாதம் இது அல்லவோ இதைச்
சிறப்பாய்க் கொண்டாடிடவே புறப்பட்டு வாரீர் தோழர் - 2

1. தோட்டங்களில் உள்ள பல வாட்டமில்லா புசுபங்களை
சோடு சோடாய்ச் சேர்த்து நல்ல மாலை கட்டுவோம் - 2
கூட்டமாக எல்லாம் சேர்ந்து வீட்டிலுள்ள பேரைச் சேர்த்து - 2
கோயிலுக்கு சாயும்வேளை ஆவலுடன் போவோம் வாரீர்

2. ஒவ்வொரு வீட்டார்களெல்லாம் ஒவ்வொரு நாள் சிறப்பிக்க
ஒப்பந்தமே செய்தாலொரு தப்புமில்லையே - 2
இவ்விதமே செய்தால் பலன் எவ்வளவோ கூடிவரும் - 2
இந்த மாதம் எல்லாருக்கும் நல்ல வரம் சேர்ந்து வரும்

3. பூவிலுள்ள மானிடர்க்குத் தேவசுதன் தந்த அன்னை
புண்ணிய வரங்கள் எல்லாம் கொண்ட அன்னையே - 2
ஆவலுடன் நாம் எல்லாரும் தேவமரி பாதம் கூடி - 2
ஆனந்த மிகுந்த பல கீதங்களைப் பாடுவோமே

---