இறைவனின் புனிதரே வாழ்க - இன்று
இறைஞ்சி உம் திருத்தலம் வந்தோம்
அன்பர் அந்தோனியார் உம் அருளாலே - யாம்
நன்மையின் நாயகனே கோடி நன்றிகள் சாற்றுகின்றோம் - 2

1. வாழ்வினில் துன்பங்கள் வருகையிலே
வந்தோம் உம் திருவடியே
உம் முகம் நோக்கிப் பார்க்கையிலே
உவந்து எம் துயர்களைத் துடைப்பீரையா
சமயம் பலவும் கடந்து உம்மைச்
சந்திக்கும் பக்தர்கள் மனத்தில் -2
கவலை நீங்கிட கலக்கம் அகன்றிட
கருணை மழையை நீர் பொழியுமையா

2. அலகையின் ஆதிக்கம் உயர்கையிலே
அண்ணலே ஒடுக்குகின்றீர்
நோய்களும் பிணிகளும் வாட்டுகையில்
நலம் தரும் புதுமைகள் புரியுமையா
குழந்தை இயேசுவைக் கரத்தில் ஏந்திக்
கொஞ்சிடும் போது நீர் அடைந்தீர் - 2
வாழ்க புனிதரே வந்தோம் பாதமே
வளங்கள் தந்து வழிநடத்துமையா

---