எந்தன் நாவில் புதுப்பாட்டு எந்தன் இயேசு தருகின்றார் - 2
ஆனந்தம் கொள்ளுவேன் அவரை நான் பாடுவேன்
உயிருள்ள நாள் வரையில் அல்லேலூயா - 2

1. பாவ இருள் என்னை வந்து சூழ்ந்து கொள்கையில்
தேவன் அவர் தீபமாய் என்னைத் தேற்றினார்- ஆனந்தம்

2. வாதை நோயும் வந்தபோது வேண்டல் கேட்டிட்டார்
பாதைகாட்டித் துன்பமெல்லாம் நீக்கி மீட்டிட்டார் - ஆனந்தம்

3. சேற்றில் வீழ்ந்த என்னை அவர் தூக்கியெடுத்தார்
நாற்றமெல்லாம் சீவரத்தம் கொண்டு மாற்றினார் - ஆனந்தம்

4. தந்தை தாயும் நண்பன் உற்றார் யாவுமாகினார்
நிந்தைதாங்கி எங்கும் அவர் மேன்மை சொல்லுவேன் - ஆனந்தம்

---