தாய் போலத் தேற்றி தந்தை போல ஆற்றி
தோள்மீது சுமந்திடும் என் இயேசைய்யா - 2
உம்மைப் போலப் புரிந்து கொள்ள யாருமில்லையே
உம்மைப் போல அரவணைக்க யாருமில்லையே - 2
நீர் போதும் என் வாழ்விலே இயேசையா - 2

1. மலைபோல துன்பம் எனைச் சூழும் போது அதைப்
பனிபோல உருகிடச் செய்பவரே - 2
கண்மணி போல என்னைக் காப்பவரே
உள்ளங்கையில் பொறித்தென்னை நினைப்பவரே - 2
நீர் போதும் என் வாழ்விலே இயேசையா - 2

2. பெலவீன நேரம் என் கிருபை உனக்குப் போதும்
உன் பெலவீனத்தில் என்பெலன் தருவேன் என்றீர் - 2
நிழல் போல என் வாழ்வில் வருபவரே
விலகாமல் துணை நின்று காப்பவரே - 2
நீர் போதும் என் வாழ்விலே இயேசையா - 2

3. தாய்போலப் பாசம் தந்தை போல நேசம் ஒரு
தோழன் போலப் புரிந்து கொண்ட என் இயேசையா
உம்மைப் போலப் புரிந்து கொள்ள யாருமில்லையே
உம்மைப் போல அரவணைக்க யாருமில்லையே
நீர் போதும் என் வாழ்விலே இயேசையா - 2

---