அப்பா நீ இருக்க தப்பாக வாழ்ந்து
வெகு தூரம் சென்று விட்டேன் - 2
இப்போது வருந்தி வருகின்றேன் - 2
ஏற்றிட வேண்டுகின்றேன் - இறைவா

1. பாவத்தின் அகலப் பாதையிலே பாதாளம் சேர்ந்துவிட்டேன்
பன்றிகள் போலச் சகதியிலே பல்லாண்டு வாழ்ந்துவிட்டேன்
அப்பா அப்பா - 3
திருந்தி நான் திரும்புகின்றேன் என்னைத் தயவாய்த் தாங்கிடுவாய்
மகனென்ற நிலை இழந்தேன் என்னை மனதார ஏற்றிடுவாய்

2. மோகத்தின் மாய சேற்றினிலே மயங்கி நான் மதி இழந்தேன்
போதையின் அடிமைப் பாதையிலே மனம்போல வாழ்ந்துவந்தேன்
அப்பா அப்பா - 3
கலங்கி நான் கதறுகிறேன் என்னைக் கனிவாய்க் காத்திடுவாய்
மனம் நொந்துவருந்துகின்றேன் என்னை மனதார ஏற்றிடுவாய்

---