கிறித்து உயிர்த்தார் இந்த உலகையே உய்த்து விட்டார்
வென்றார் கிறித்து வென்றார் - இந்த
அலகையை வென்று விட்டார்
ஆர்ப்பரிப்போமே ஆனந்திப்போமே அல்லேலூயா பாடுவோம்

1. மரணத்தை வென்ற மாவீரன்
மனுக்குலம் மீட்ட இறை மைந்தன்
கல்லறை விட்டு உயிர்த்தெழுந்தார்
கவலைகள் நமக்கு இனிஇல்லை

2. மரணத்தைக் கண்டும் பயமில்லை
மாபரன் இயேசு உயிர்த்து விட்டார்
பேயின் தலையை மிதித்து விட்டார்
பிணக்குகள் எல்லாம் போக்கிவிட்டார்

---